UEFA Konfrans Liqasının qalibi müəyyənləşib
"Report" xəbər verir ki, Yunanıstanın "Olimpiakos" və İtaliyanın "Fiorentina" klublarının üz-üzə gəldiyi final matçında afinalılar minimal hesablı qələbə qazanıb - 1:0.
"AEK Arena"da baş tutan matçın əsas vaxtı 0:0 hesabı ilə nəticələndiyindən, qalibi müəyyənləşdirmək üçün hər biri 15 dəqiqədən ibarət iki əlavə hissə oynanılıb. 116-cı dəqiqədə florensiyalıların qapısına yol tapan El Kaabi "Olimpiakos"un qələbə qolunun müəllifi olub.
Qeyd edək ki, "qırmızı-ağlar" tarixində ilk dəfə yüksəkdiyi avrokubok finalında Konfrans Liqasının qalibi adını qazanıb.
----------------------------
Bu gün UEFA Konfrans Liqasının qalibi müəyyənləşəcək.
Sportnet.az xəbər verir ki, final matçında Yunanıstanın "Olimpiakos" və İtaliyanın "Fiorentina" klubları üz-üzə gələcəklər.
Afinadakı "AEK Arena"da oynanılacaq qarşılaşma Bakı vaxtı ilə saat 23:00-da start götürəcək.
Görüşü portuqaliyalı Artur Diaşın rəhbərlik etdiyi hakimlər briqadası idarə edəcək.
