"Kəpəz" klubu 21 yaşadək futbolçulardan ibarət Azərbaycan yığmasının üzvü Əli Nuri ilə tezliklə müqavilə imzalayacaq. Sportnet.az-ın məlumatına görə, artıq bir neçə aydır komandanın düşərgəsində olan dayaq yarımmüdafiəçisi ilə münasibətlərin rəsmiləşməməsinə səbəb İran Futbol Federasiyasından beynəlxalq transfer vərəqəsinin göndərilməməsidir.
Həmin vaxt transfer pəncərəsi açılmadığınıdan futbolçunun qeydiyyatı baş tutmayıb və o, sadəcə məşqlərlə kifayətlənməli olub. Hazırda Gəncə təmsilçisi qarşı tərəfdən məktub gözləyir. Yaxın günlərdə lazım olan sənəd göndəriləcək və futbolçu ilə münasibətlər rəsmiləşdiriləcək.
Qeyd edək ki, Əli Nurinin sonuncu klubu İranın "Fulad Xuzestan" komandası olub. O, U-21 yığmasının heyətində Türkiyənin Antalya bölgəsində keçirilən qış təlim-məşq toplanışında iştirak edib.
