Azərbaycan üzgüçüsü Ramil Vəlizadə Rumıniyanın paytaxtı Buxarestdə keçirilən gənclərin Avropa çempionatında finala vəsiqə qazanıb.
Federasiyanın Mətbuat Xidmətindən Sportnet.az-a verilən məlumata görə, 18 yaşlı idmançı turnirin birinci günündə 200 metr məsafəyə batterflay üsulu ilə üzmə növündə yarımfinalda üçüncü yeri tutub.
Vəlizadə finişə 1 dəqiqə 58,93 saniyəyə çatıb.
Qeyd edək ki, Azərbaycan yarışda 3 üzgüçü ilə təmsil olunur. Rəşad Alquliyev və Əbdürrəhman Rüstəmov bu gün mübarizəyə start verəcək.
