Azərbaycan bədii gimnastı Marina Durunda "Bakı 2015" I Avropa Oyunlarında gümüş medal qazanıb. Sportnet.az-ın məlumatına görə, 18 yaşlı idmançı bu uğura lentlərlə çıxışda imza atıb.
Onun çıxışı 18.200 balla qiymətləndirib. Durunda qızıl medal qazanan rusiyalı Yana Kudryavtsevadan 0,800 bal geri qalıb. Bürünc medala isə 17.950 xalla gürcüstanlı Salome Pazhama sahib çıxıb.
Qeyd edək ki, bu, Azərbaycanın gün ərzində 2-ci, ümumilikdə isə 35-ci medalı olub. Hazırda ölkəmiz 14 qızıl, 7 gümüş və 14 bürünc medalla ümumi komanda hesabında 2-ci pillədə qərarlaşıb.
