Türkiyənin "NTV Spor" kanalında aparıcı işləyən Roksan Kunter məhkəməyə müraciət edib. Sportnet.az-ın məlumatına görə, Kunter Cem adlı şəxsin onu tez-tez narahat etdiyini bildirib.
Həyat yoldaşı ilə birgə məhkəməyə müraciət edən Kunter Cemin onu tez-tez telefon zəngləri ilə narahat etdiyini, hədiyyələr göndərdiyini, e-mailə yazdıqlarına cavab gəlməyincə isə iş yerinə məktub göndərdiyini deyib. İfadə verən Cem Kunteri sevdiyini, bu səbəbdən onu narahat etdiyini söyləyib.
Qarşı tərəf məhkəmədən Cemin şəxslərin rahatçılıq və sükutunu pozmaq, cinsi təcavüz iddiaları ilə 4-ilə qədər həbsini istəyib.
