AFFA-nın İntizam Komitəsi I divizionun XXV turunda baş tutan "Kəpəz" - "Ağsu" oyununun baş hakimi Feyzulla Feyzullayevin qərarını ləğv edib. Sportnet.az-ın məlumatına görə, referi oyunun 90+3-cü dəqiqəsində "Kəpəz” klubunun 18 №-li futbolçusu İsmayıl Aslanov ikinci sarı vərəqə alaraq meydandan kənarlaşdırıb.
Lakin oyunun videoyazısına yenidən baxıldıqda hakimin qərarının haqsız olduğu görünüb və buna görə də futbolçuya verilən ikinci sarı vərəqə ləğv edilib. Hakim ilə bağlı isə Hakimlər Komitəsinə lazımı ölçü götürüb İntizam Komitəsinə məlumat verilməsi bildirilib.
