U-19 yığmasının baş məşqçisi Nazim Süleymanovun köməkçiləri may ayında təyin olunacaqlar. Bu barədə Sportnet.az-a verdiyi açıqlamada, Məşqçilər Şurasının sədri Vaqif Sadıqov məlumat verib.
Millimizin sabiq baş məşqçisi dəqiq tarixin bilinmədiyini söyləməklə yanaşı, məsələnin çox uzanmayacağını da dilə gətirdi: "U-19-un baş məşqçisi Nazim Süleymanovun köməkçilərinə yaxın zamanda aydınlıq gələcəyini düşünürəm. Çünki iyunda əsas millimizin təlim-məşq toplanışı olmalıdı. Həmin vaxta qədər digər yaş qrupları üzrə də bütün məsələlər həllini tapmalıdı. Baş məşqçi hazırlıq proqramını təqdim etməlidi. Düşünürəm ki, mayda Süleymanovun köməkçilərinin kimliyinə aydınlıq gələcək".
