Bu gün UEFA Çempionlar Liqasının ilk yarımfinal qarşılaşması keçiriləcək. Sportnet.az-ın məlumatına görə, Turində İtaliya "Yuventus”u İspaniyanın "Real Madrid” klubunu qəbul edəcək.
Ardıcıl 5-ci dəfə Çempionlar Liqasının yarımfinalında oynamaq hüququ qazanan "Kral klubu” yalnız birində final həyəcanı yaşayıb. Ümumilikdə isə, Madrid təmsilçisi 26-cı dəfə ÇL-in yarımfinalında oynamaq hüququ əldə edib. Bundan əvvəlki 25 cəhdin 13-də onlara final oynamaq nəsib olub. Ötən ÇL-in ¼ finalında Dortmund "Borussiya”sından səfərdə alınan 0:2 hesablı məğlubiyyətdən sonra "Real Madrid” yenilginin nə olduğunu bilmir. Keçirdiyi 11 oyunda paytaxt klubu 8 qələbə qazanıb və 3 dəfə heç-heçə edib.
"Yuventus” avrokuboklardakı son 12 ev oyununda məğlubiyyətin nə olduğunu bilmir. Massimiliano Alleqrinin yetirmələri cari mövsümdə keçirdikləri 5 oyunun 4-də qələbəni bayram ediblər. Yeni "Yuventus Stadium”da turinlilər 17 dəfə avrokubok matçına çıxıblar ki, bunlardan yalnız birində məğlubiyyətlə üzəşiblər. "Byankoneri” üçün bu, yarımfinalda 11-ci sınaq olacaq. Yeddi dəfə qalib gələn "Qoca Sinyora”, 3 dəfə finalın bir addımlığında dayanıb. Sonuncu dəfə 2002/2003 mövsümündə yarımfinaladək irəliləyən "Yuve” məhz "Real Madrid”i turnirdən kənarlaşdırıb.
Ümumilikdə komandalar öz aralarında 16 avrokubok qarşılaşması keçiriblər. Bütün görüşlər Çempionlar Liqası çərçivəsində baş tutub. Turin təmsilçisi doğma publika önündə 5 dəfə qalib gəlib, 1 dəfə məğlub olub və 1 heç-heçəyə razılaşıb. "Kral Klubu” isə evdə 5 dəfə qalib gəlməklə yanaşı, 2 dəfə meydanı başıaşağı tərk edib.
Karlo Ançelotti ("Real Madrid”in baş məşqçisi): "Cəsarətli oynayırsansa, qalib gələcəksən”!
Massimiliano Alleqri: ("Yuventus”un baş məşqçisi): "Futbolda yalnız bir şey vacibdir – nəticə”!
Təxmini heyətlər.
"Yuventus”: Buffon; Lixştayner, Kyellini, Evra; Çarkizio, Pirlo, Vidal, Pereyra; Morata, Teves
Zədəlilər: Asamoa, Kasares, Marrone, Poqba, Romulo.
"Real Madrid”: Kasilyas; Karvaxal, Pepe, Varan, Narselo; Xames Rodriges, Kroos, Ramos, İsko; Beyl, Ronaldo.
Zədəlilər: Modriç, Benzema.
Çempionlar Liqası
İlk yarımfinal oyunu
05 may
23:45 "Yuventus" (İtaliya) - "Real Madrid" (İspaniya) 2:1
Qollar: Morata, 8, Teves, 56 (pen) - Ronaldo, 26
Vərəqələr: Bonuççi, 5 - sarı.
Çempionlar Liqası
İlk yarımfinal oyunu
05 may
23:45 "Yuventus" (İtaliya) - "Real Madrid" (İspaniya) 2:1
Qollar: Morata, 8, Teves, 56 (pen) - Ronaldo, 26
"Yuventus": 1. Buffon, 3. Kyellini, 19. Bonuççi, 26. Lixtştayner, 33. Evra, 8. Markizio, 21. Pirlo, 27. Sturaro, 23. Vidal, 9. Morata, 10. Tevez
Ehtiyat oyunçular: Storari, Bardzaqli, Padoin, Pepe, Pereyra Lorente, Matri
"Real Madrid”: 1. Kasilyas, 2. Varan, 3. Pepe, 4. Ramos, 15. Karvahal, 12. Marselo, 23. İsko, 8. Kroos, 10. Xames Rodriges, 11. Beyl, 7.Kriştianu Ronaldo
Ehtiyat oyunçular: Keylor Navas, Koentrau, Arbeloa, İlyaramendi, Lukas Silva, Xese, Çiçarito
Baş hakim: Martin Atkinson (İngiltərə)Vərəqələr: Bonuççi, 5 - sarı.
