FİFA yığma komandaların may ayı üçün reytinq siyahısını açıqlayıb. Sportnet.az-ın məlumatına görə, hesabında 264 xal olan Azərbaycan millisi bir pilləyə geriləyərək 116-cı sıraya enib.
AÇ-2016-nın seçmə mərhələsində qrupdakı rəqiblərimizdən olan İtaliya millisi 1085 xalla 13-cü pillədə qərarlaşıb. Xorvatiya 977 xalla 17-cidir, Bolqarıstan isə 505 xalla 67-ci pillədə qərarlaşıb. Norveç isə 491 xalla 70-cidir. 158 xalla malik Malta millisi isə 149-cu sıradadır.
Cədvələ 1687 xalla Almaniya başçılıq edir. 1494 xalı olan Argentina ikinci, 1457 xalla Belçika üçüncüdür. Türkiyə yığması 603 xalla 52-cidir.
