Avro-2016-nın seçmə mərhələsində Azərbaycan milli komandasının Xorvatiya yığması ilə qarşılaşacağı stadion müəyyənləşib. Sportnet.az-ın məlumatına görə, oyun "Bakcell Arena"da təşkil olunacaq.
Sentyabrın 3-də keçiriləcək görüş saat 21:00-da başlanacaq.
Qeyd edək ki, bu, AVRO-2016-nın seçmə qrup mərhələsində Azərbaycan yığmasının "Bakcell Arena"da keçirəcəyi 3-cü ev oyunu olacaq. Daha öncə millimiz Bolqarıstan (1:2) və Norveçlə (0:1) bu arenada üz-üzə gəlib.
