Türkiyə I Liqasında "Karşıyaka"nın şərəfini qoruyan Azərbaycan milli komandasının futbolçusu Mahir Şükürov ciddi nailiyyətə imza atıb. Sportnet.az-ın məlumatına görə, çempionatın yayım hüququna malik "TRTSport" telekanalı 32 yaşlı müdafiəçini VII turun simvolik komandasına daxil edib.
Şükürov ən yaxşı sağ cinah müdafiəçisi kimi fərqləndirilib.
Qeyd edək ki, "Karşıyaka" ötən tur səfərdə "Manisaspor"u 2:0 hesabı ilə məğlub edib. İlk qolu 20-ci dəqiqədə cərimə zərbəsindən Mahir Şükürov vurub. Təcrübəli müdafiəçi matçı əvəz olunmadan keçirib.
