"Qarabağ"ın sabiq legioneri Denis Sokolovski Azərbaycan milli komandasından dəvət alıb. Sportnet.az-ın məlumatına görə, ukraynalı yarımmüdafiəçi Ağdam klubunda həmyerlisi Sergey Kravçenko ilə birgə çıxış etdikləri döbrdə millimizin şərəfini qorumaqla bağlı təklif almaları ilə bağlı xəbərlərin şayiə yox, həqiqət olduğunu bildirib: "Belə bir hal olmuşdu. Ancaq həmin ərəfədə biz vətənə qayıtdıq. İndi bu, dünya futbolunda adi haldır. Yaxşı xatırlayıram, sizin yığmada braziliyalı, ukraynalı, rusiyalı futbolçular çıxış edirdi".
Xatırladaq ki, Sokolovski ilə Kravçenko 2005/06 mövsümündə "Qarabağ"ın şərəfini qoruyublar. Denisdən fərqli Sergey Ukrayna millisinə çağırılıb və 10 oyunda 1 qol vurub.
Mənbə: "Het-trik news" qəzeti
