"Uduzduğumuz üçün çox danışmağa ehtiyac yoxdur. Belə matçı analiz etmək çətindir. Komanda sanki "qara zolaq"dadır. Komanda istəyir, amma alınmır. Nəsə çatışmır. Klub olaraq bu duruma düşmüşük və ümid edirəm ki, bu vəziyyətdən çıxacağıq”.
Sportnet.az-ın məlumatına görə, bunu "Qəbələ”nin məşqçisi Elmar Baxşıyev səfərdə "Zirə"yə 0:1 hesabı ilə uduzduqları Topaz Premyer Liqasının VII tur matçından sonra mətbuat konfransında deyib. Gənc mütəxəssis jurnalistlərin suallarını da cavablandırıb...
- Yox. Son iki oyunda hiss edirdik ki, komandada eniş yaşanır. Əvvəlki matçlarda qol şansları yarada bilirdik. Amma bu gün göstərdik ki, komandanı silkələmək, ayıltmaq lazımdı.
- Sənan Qurbanov istefa vermək fikrində olduğunu demədi?
- Bu barədə rəhbərlik nə qərar verəcək, onu bilmirəm.
- Protokolda "18-lik” düzəlməmişdi. Bu, nə ilə bağlıdır?
- Zədəli oyunçularımız var. U-19-un oyunu da olduğundan, onları protokola salmamışdıq.
