“Qarabağ”ın baş məşqçisi Qurban Qurbanov çempionluq sayında Azərbaycan rekorduna imza atıb.
Sportnet.az Peşəkar Futbol Liqasının rəsmi saytına istinadən xəbər verir ki, 47 yaşlı mütəxəssis buna Ağdam təmsilçisi ilə Premyer Liqada ardıcıl 6-cı dəfə qızıl medallara sahib çıxmaqla nail olub. O, 5 dəfə çempion olan Ağasəlim Mircavadovu arxada qoyub. Ümumilikdə isə 10 baş məşqçi yetirmələrini qızıl medallara daşıyıb.
Qurbanov həm də baş məşqçi kimi yubiley medalını qazanıb. “Qarabağ”ın “sükanı arxası”nda iki gümüş və iki bürüncü də olan mütəxəssis Azərbaycan çempionatlarında 10-cü dəfə ilk “üçlüy”ə düşüb.
“Neftçi” ilə gümüş mükafata yiyələnən Roberto Bordin ölkəmizdə medal qazanan ilk italiyalı baş məşqçi olub. Aftandil Hacıyevin baş məşqçi kimi elitada ilk uğuru isə “Səbail”dəki bürüncdür. Bu iki mütəxəssis Azərbaycan çempionatları tarixində medal qazanan baş məşqçilərin sayını 37-yə çatdırıb.
Premyer Liqanın bütün mükafatçı baş məşqçiləri
| AZƏRBAYCAN ÇEMPİONATLARI | |||
| mövsüm | çempion | II yer | III yer |
| 1992 | Əhməd Ələsgərov | Sabir Əliyev | Ruslan Abdullayev |
| 1993 | Ağasəlim Mircavadov | Sabir Əliyev | Ruslan Abdullayev |
| 1993/94 | Kazbek Tuayev | Agasəlim Mircavadov | Mehman Allahverdiyev |
| 1994/95 | Mehman Allahverdiyev | Kazbek Tuayev | Vaqif Sadıqov |
| 1995/96 | Kazbek Tuayev | Nadir Qasımov | Mehman Allahverdiyev |
| 1996/97 | Kazbek Tuayev | Elbrus Abbasov | Rəşid Özbəyov |
| 1997/98 | Mehman Allahverdiyev | Yaşar Abdulov | Ramiz Kazımov |
| 1998/99 | Mehman Allahverdiyev | Asəf Namazov | Əhməd Ələsgərov |
| 1999/2000 | Ağasəlim Mircavadov | Mehman Allahverdiyev | Şamil Heydərov |
| 2000/01 | Ağasəlim Mircavadov | Oqtay Abdullayev | Qəhrəman Əliyev |
| 2001/02 | Yarımçıq qalıb | ||
| 2002/03 | Keçirilməyib | ||
| 2003/04 | Kazbek Tuayev | Qəhrəman Əliyev | Şahin Diniyev |
| 2004/05 | Ağasəlim Mircavadov | Rasim Kara | Yunis Hüseynov |
| 2005/06 | Böyükağa Hacıyev | Yunis Hüseynov | Agasəlim Mircavadov |
| 2006/07 | Ağasəlim Mircavadov | Qurban Qurbanov | Böyükağa Hacıyev |
| 2007/08 | Valentin Xodukin | Əsgər Abdullayev | Anatoli Demyanenko |
| 2008/09 | Qyoko Hacıyevski | Valentin Xodukin | Roman Pokora |
| 2009/10 | Kaxaber Sxadadze | Cüneyt Biçər | Qurban Qurbanov |
| 2010/11 | Arif Əsədov | Mirça Rednik | Qurban Qurbanov |
| 2011/12 | Böyükağa Hacıyev | Yunis Hüseynov | Kaxaber Sxadadze |
| 2012/13 | Böyükağa Hacıyev | Qurban Qurbanov | Kaxaber Sxadadze |
| 2013/14 | Qurban Qurbanov | Kaxaber Sxadadze | Yuri Syomin |
| 2014/15 | Qurban Qurbanov | Kaxaber Sxadadze | Roman Qriqorçuk |
| 2015/16 | Qurban Qurbanov | Adil Şükürov | Roman Qriqorçuk |
| 2016/17 | Qurban Qurbanov | Roman Qriqorçuk | Zaur Svanadze |
| 2017/18 | Qurban Qurbanov | Roman Qriqorçuk | Tərlan Əhmədov |
| 2018/19 | Qurban Qurbanov | Roberto Bordin | Aftandil Hacıyev |
