"Klubla iki illik müqavilə bağladım. Avropa Liqasına çox ciddi hazırlaşacağıq".
Bu fikirləri Sportnet.az-a açıqlamasında "Səbail"in futbolçusu Ağabala Ramazanov deyib.
26 yaşlı hücumçi yeni mövsümdə də yaxşı nəticələr qazanmaq niyyətində olduqlarını söyləyib: "Növbəti mövsüm ən azı indiki kimi çıxış etmək istəyirik. Bundan zəif nəticəni heç kim düşünmür. Yenə avrokuboklar uğrunda mübarizə aparacağıq".
Qeyd edək ki, "Səbail" 2018/2019 mövsümünü 41 xalla 3-cü pillədə başa vuraraq Avropa Liqasında iştirak etməyə haqq qazanıb.
