Futbol üzrə Azərbaycan Premyer Liqasında V tura yekun vurulub.
Sportnet.az-ın məlumatına görə, turun son oyununda "Zirə" "Qarabağ"ı qəbul edib. Zirə Olimpiya Kompleksinin stadionunda təşkil olunan qarşılaşma Ağdam təmsilçisinin 3:1 hesablı qələbəsi ilə yekunlaşıb.
Görüşdə ilk qolu 12-ci dəqiqədə Maqaye Qeye vurub. 41-ci dəqiqədə "Qarabağ"ın ispaniyalı futbolçusu Xayme Romero fərqi 2 topa çatdırıb. 44-cü dəqiqədə "Zirə"nin heyətində Anastasios Papazoqlu avtoqol müəllifi olub. 88-ci dəqiqədə isə meydan sahibləri təsəlli qolunu vura biliblər. Xulio Rodrigez cərimə zərbəsini dəqiq yerinə yetirib.
Bu nəticədən sonra 15-ci xalını qazanan "Qarabağ" liderliyini daha da möhkəmləndirib. "Zirə" isə 7 xalla 3-4-cü yerləri bölüşdürür.
Qeyd edək ki, turun digər oyunlarında "Neftçi" "Keşlə" ilə (0:0), "Qəbələ" "Səbail"lə heç-heçə (1:1) edib. "Sumqayıt" isə "Sabah"ı minimal hesabla üstələyib - 1:0.
--------------------------------
Bu gün Azərbaycan Premyer Liqasında V turun son oyunu keçiriləcək.
Sportnet.az-ın məlumatına görə, lider "Qarabağ" "Zirə"nin qonağı olacaq. Zirə Olimpiya Kompleksinin stadionunda təşkil ediləcək qarşılaşmanı FIFA referisi Rauf Cabbarov idarə edəcək.
Meydan sahibləri qalib gələcəkləri təqdirdə, xallarını 10-a çatdıraraq 3-cü pilləyə yüksələcək. "Qarabağ" qələbə qazanacağı təqdirdə isə xallarını 15-ə çatdıraraq, ən yaxın izləyicisi "Səbail"i 5 xal geridə qoyacaq.
İki komanda indiyədək 16 dəfə qarşılaşıb. "Zirə" heç bir görüşdə qalib gələ bilmədiyi halda 12 dəfə uduzub və cəmi 4 heç-heçə edib. “Qarabağ” son üç qarşılaşmada qol buraxmayıb. Topların nisbəti isə 6:33-dür.
Azərbaycan Premyer Liqası, V tur
23 sentyabr
19:00. “Zirə” – “Qarabağ” - 1:3
Qol: Xulio Rodrigez,88 - Maqaye Qeye, 12. Xayme Romero, 41. Anastasios Papazoqlu, 44 (avtoqol)
Hakimlər: Rauf Cabarov, Müslüm Əliyev, Nahid Əliyev, Səbuhi Bayramov
Hakim-inspektor: İmanxan Sultani
AFFA nümayəndəsi: Erkin Hüseynov
Zirə İdman Kompleksinin stadionu
Qeyd edək ki, turun ilk 3 oyununda "Sumqayıt" "Sabah"ı 1:0 hesabı ilə yendiyi halda, "Səbail" "Qəbələ" ilə 1:1, "Nefrçi" "Keşlə" ilə 0:0 hesablı heç-heçə edib.
