“Zirə” və “Sumqayıt” komandaları Azərbaycan çempionatları tarixində 18-ci dəfə üz-üzə gələcək.
Sportnet.az-ın məlumatına görə, bu, Premyer Liqanın X turuna təsadüf edəcək. İndiyədək “qartallar” daha çox – 10 qələbə qazanıb. 3 matçda 1 xal əldə edən komanda qəsəbə təmsilçisi yalnız 4 dəfə uduzub. Son 4 qarşılaşmada meydanı qələbə ilə tərk edən "Zirə" top fərqində də üstünlüyə malikdir. Rəqib qapısından 23 top keçirən komanda 13 qol buraxıb.
“Sumqayıt”la görüşlərdə “qartallar”ın ən məhsuldar oyunçuları Aleksandr Dedovla Vüsal İsgəndərlidir. Bu futbolçular hərəyə 3 dəfə fərqləniblər. Öz meydanında 9-cu dəfə “Gənclik şəhəri” təmsilçisini qəbul edəcək “Zirə” əvvəlki görüşlərdə 6 qələbəyə sevinib. “Doğma divarlar” arasında 1 heç-heçə və 1 məğlubiyyəti olan komanda qonaqların qapısından 14 top keçirib, 6-nı buraxıb.
Zirə İdman Kompleksinin stadionunda baş tutacaq görüş saat 15:00-da başlanacaq.
