Serbiyalı keçmiş futbolçu Milyan Mrdakoviç intihar edib.
Sportnet.az-ın "Sportske" nəşrinə istinadən verdiyi məlumata görə, 38 yaşlı sabiq hücumçu Belqradda rəfiqəsi ilə kirayədə qaldığı mənzildə özünü öldürüb. Qadının çağırışı ilə gələn polis ölüm faktını təsdiqləyib.
Qeyd edək ki, Milyan Mrdakoviç Avropa və Asiyanın 10 ölkəsində, o cümlədən, Belçika "Gent"i və Ukrayna "Metalist"ində forma geyinib. O, karyerasını 2017-ci ildə Serbiy OFK-sında bitirib.
Mrdakoviç Serbiya və Monteneqro yığmasının heyətində 2002-ci il gənclər arasında Avropa çempionatında və Serbiya millisinin üzvü kimi 2008-ci il Pekin Yay Olimpiya Oyunlarında iştirak edib.
