UEFA Gənclər Liqasının I təsnifat mərhələsində keçiriləcək "Qəbələ" - AZ qarşılaşmasının biletləri satışa çıxarılıb.
Sportnet.az xəbər verir ki, biletləri Qəbələ şəhər stadionundan və klubun "Qəbələ Otel"də yerləşən fan-mağazasından əldə etmək olar. Qiymətlər 1 manat və 3 manat (VİP) arasında dəyişir.
Biletlərdən əldə olunan gəlir Qəbələ rayonundakı aztəminatlı məktəblilərin tədris xərcləri üçün istifadə olunacaq.
Qeyd edək ki, sentyabrın 29-də Qəbələ şəhər stadionunda oynanılacaq qarşılaşma saat 17:00-da başlayacaq. Cavab görüşü oktyabrın 19-da “AZ Təlim-Məşq Mərkəzi”ndə baş tutacaq. Bu cütün qalibi növbəti raundda “Csikszereda" (Rumıniya) - "Anje" (Fransa) duelinin güclüsü ilə görüşəcək.
