Türkiyənin "Fənərbağça" klubu rumıniyalı baş məşqçi Mirça Luçesku haqda bəyanat yayıb. Sportnet.az-ın məlumatına görə, İstanbul təmsilçisi Luçesku ilə heç bir anlaşmanın olmadığını bildirib.
Klubdan verilən rəsmi açıqlamada bu tipli xəbərlərin yalan olduğu deyilib: "Daha öncə də bu cür xəbərlərin yalan olduğunu bildirmişdik. Hazırda da Mirça Luçesku ilə aramızda heç bir görüş, razılaşma olmayıb".
Qeyd edək ki, son günlər yerli və əcnəbi mətbuat "Fənərbağça"nın Mirça Luçesku ilə danışıq apardığını yazıb.
