Belçikanın "Lokeren" komandasının futbolçusu Qreqori Mertensin matç zamanı ürəyi dayanıb. Sportnet.az-ın məlumatına görə, Mertens əvəzedici heyətlərin çempionatında, "Genk"lə qarşılaşmanın 25-ci dəqiqəsində qəflətən yerə yıxılıb.
O, meydandaca komanda həkimləri tərəfindən ilkin tibbi yardım alıb. Daha sonra futbolçu təcili tibbi yardım avtomobili ilə xəstəxanaya aparılıb.
Hadisədən sonra qarşılaşma yarımçıq dayandırılıb. Futbolçunun vəziyyətinin ciddi olduğu bildirilir. ("Report)
