Almaniyanın "Bavariya" klubunun müdafiəçisi Jerom Boatenq İspaniya "Barselona"sının hücumçusu Lionel Messinin dünyanın ən yaxşı futbolçusu olduğunu bildirib. Sportnet.az-ın məlumatına görə, futbolçu Çempionlar Liqasının yarımfinal mərhələsində Messi ilə mübarizədə yıxılmasına şərh verib.
O deyib: "İkinci qol? Hər kəs Messi ilə mübarizədə məğlub olur. O, dünyanın ən yaxşı oyunçusudur. Komandam məni onunla yalqız buraxmamalı idi. Belə etmək olmaz".
Qeyd edək ki, "Bavariya" "Barselona" ilə Çempionlar Liqasının yarımfınal mərhələsinin ilk matçında 0:3 hesabı ilə məğlub olub.
