İspaniyanın "Real Madrid" klubunun yeni baş məşqçisinin adı gələn həftə bəlli olacaq. Sportnet.az-ın məlumatına görə, bu barədə klubun prezidenti Florento Peres açıqlama verib.
Karlo Ançelottinin istefasından sonra boşalan posta əsas namizədlər İtaliya "Napoli"sinin baş məşqçisi Rafael Benites, mövsümün sonunda Almaniyanın "Borussiya" (Dortmund) komandasından ayrılacağı gözlənilən Yurgen Klopp və "Real Madrid"in gənclərdən ibarət komandasının baş məşqçisi Zinəddin Zidandır.
Qeyd edək ki, "Kral klubu"nun 55 yaşlı baş məşçiqi Karlo Ançelottinin istefası dünən rəsmiləşib.
