Çempionlar Liqasında İspaniya komandaları ilə yanaşı, postsovet məkanı təmsilçiləri də ilkə imza atıb. Sportnet.az-ın məlumatına görə, Avropanın ən nüfuzlu klub turniri tarixində ilk dəfə keçmiş SSRİ-nin 4 respublikasından 6 komanda qrup mərhələsinə vəsiqə qazanıb.
Bunlar Rusiyanın "Zenit" və MOİK, Ukraynanın "Dinamo" (Kiyev) və "Şaxtyor" komandaları ilə yanaşı, Belarus BATE-si və Qazaxıstan futbolu tarixində ilk dəfə belə böyük uğura imza atan "Astana"dır. Bu gün keçiriləcək püşkatma mərasimində Rusiya və Ukrayna komandaları siyasi səbəblərdən eyni qrupa düşə bilməcəklər. Amma istənilən halda, qrup mərhələsinin 32 iştirakçısından təqribən 1/5-i və ya 20 faizindən çoxu postsovet məkanı təmsilçiləri olacaq.
İspaniya isə qrup mərhələsində 5 komanda - "Barselona", "Real Madrid", "Sevilya", "Atletiko" və "Valensiya" ilə təmsil olunacaq.
Beləliklə, Çempionlar Liqasında qrup mərhələsinin 32 iştirakçısından 11-i (1/3-i və ya 33 faizi) İspaniya və keçmiş SSRİ komandaları olacaq.
Qrup mərhələsinin bütün iştirakçıları
1-ci səbət: "Barselona" (İspaniya), "Bavariya" (Almaniya), "Çelsi" (İngiltərə), "Benfika" (Portuqaliya), PSJ (Fransa), "Yuventus" (İtaliya), "Zenit" (Rusiya), PSV (Hollandiya)
2-ci səbət: "Real Madrid" (İspaniya), "Atletiko" (İspaniya), "Portu" (Portuqaliya), "Arsenal" (İngiltərə), "Mançester Yunayted" (İngiltərə), "Valensiya" (İspaniya), "Bayer 04" (Leverkusen, Almaniya), "Mançester Siti" (İngiltərə)
3-cü səbət: "Şaxtyor" (Donetsk, Ukrayna), "Sevilya" (İspaniya), "Lion" (Fransa), "Dinamo" (Kiyev, Ukrayna), "Olimpiakos" (Yunanıstan), MOİK (Moskva, Rusiya), "Qalatasaray" (Türkiyə), "Roma" (İtaliya)
4-cü səbət: BATE (Borisov, Belarus), "Borussiya" (Mönchenqladbax, Almaniya), "Volfsburq" (Almaniya), "Dinamo" (Zaqreb, Xorvatiya), "Makkabi" (Təl-Əviv, İsrail), "Gent" (Belçika), "Malmö" (İsveç), "Astana" (Qazaxıstan).
Qeyd edək ki, Monakoda keçiriləcək püşkatma mərasimi Bakı vaxtı ilə saat 20:45-də başlanacaq.
3-cü səbət: "Şaxtyor" (Donetsk, Ukrayna), "Sevilya" (İspaniya), "Lion" (Fransa), "Dinamo" (Kiyev, Ukrayna), "Olimpiakos" (Yunanıstan), MOİK (Moskva, Rusiya), "Qalatasaray" (Türkiyə), "Roma" (İtaliya)
4-cü səbət: BATE (Borisov, Belarus), "Borussiya" (Mönchenqladbax, Almaniya), "Volfsburq" (Almaniya), "Dinamo" (Zaqreb, Xorvatiya), "Makkabi" (Təl-Əviv, İsrail), "Gent" (Belçika), "Malmö" (İsveç), "Astana" (Qazaxıstan).
Qeyd edək ki, Monakoda keçiriləcək püşkatma mərasimi Bakı vaxtı ilə saat 20:45-də başlanacaq.
