Uqanda milli komandasının futbolçularının olduğu avtobus qəzaya düşüb. Sportnet.az-ın məlumatına görə, avtobusun sürücüsü idarəetməni itirərək, marşrut mikroavtobusuna çırpılıb.
Nəticədə mikroavtobusun 4 sərnişini yerindəcə ölüb. Avtobusun bütün sərnişinləri isə sağ qalıblar. Yalnız yığmanın bir neçə oyunçusu yüngül travma alıb.
Qeyd edək ki, hadisə Uqanda yığması ölkə prezidenti Yoveri Museveni ilə görüşdən qayıdarkən baş verib.
