Azərbaycan milli komandasının qapıçısı Emil Balayevin çıxış etdiyi Almaniya "Ayntraxt"ının baş məşqçisi Tomas Şaaf istefa verib. Sportnet.az-ın məlumatına görə, bu barədə klubun rəsmi saytı xəbər verib.
Şaafın müqaviləsi 2016-cı ilin yayına kimi olsa da, o, müqaviləni qarşılıqlı razılıq əsasında pozmağı xahiş edib. "Ayntraxt" rəhbərliyi onun bu qərarından məyus olduqlarını bildirib. Onlar son ana qədər Şaafı fikrindən daşındırmağa çalışıblar.
Qeyd edək ki, Şaaf "Ayntarxt”a 2014-cü ilin yayından başçılıq edirdi. Komanda bu mövsüm Almaniya Bundesliqasında 9-cu yeri tutub.
