Qadın voleybolçulardan ibarət Azərbaycan millisi Avropa çempionatında mübarizəyə başlayıb.
Sportnet.az-ın məlumatına görə, Vüqar Əliyevin baş məşqçi olduğu kollektiv A qrupundakı ilk sınağında Belçika yığması ilə qarşılaşıb.
Serbiyanın paytaxtı Belqraddakı "Stark Arena"da keçirilən görüş rəqibin 3:0 hesablı qələbəsi ilə başa çatıb.
Yığma ilk setdə 13:25, ikinci setdə 24:26, sonuncu setdə isə 13:25 hesabı ilə uduzub.
Qeyd edək ki, Azərbaycan millisi qrupda ikinci oyununu avqustun 21-də Bosniya və Herseqovina yığmasına qarşı keçirəcək.
----------------------------------------
Qadın voleybolçulardan ibarət Azərbaycan millisi bu gün Avropa çempionatında mübarizəyə başlayacaq.
Sportnet.az-ın məlumatına görə, Vüqar Əliyevin baş məşqçi olduğu kollektiv A qrupundakı ilk sınağında Belçika yığması ilə qarşılaşacaq.
Serbiyanın paytaxtı Belqraddakı "Stark Arena"da keçiriləcək görüş Bakı vaxtı ilə saat 17:00-da başlayacaq. Qarşılaşma İctimai Televiziya vasitəsilə canlı yayımlanacaq.
Azərbaycan yığmasının heyətində Ayşən Abduləzimova, Olena Xarçenko, Kseniya Pavlenko, Yana Doroşenko, Kristina Besman, Şəfaqət Alışanova, Nilufər Ağazadə, Anastasiya Mertsarova, Mariya Kirilyuk, Marqarita Stepanenko, İlhamə Əliyeva, Bəyaz Alıyeva, Yuliya Kərimova və Anastasiya Bayduk çıxış edəcəklər.
Avropa çempionatı
A qrupu
19:00. Azərbaycan - Belçika - 0:3 (13:25, 24:26, 13:25)
Belqrad. "Stark Arena"
Qeyd edək ki, Azərbaycan millisinin A qrupundakı digər rəqibləri Serbiya, Rusiya, Fransa və Bosniya və Herseqovina yığmalarıdır.
