BƏƏ-nin "Əl-Ayn" futbol klubunun yarımmüdafiəçisi Keyo və "Əl-Vəhdi" komandasının hücumçusu Murad Batnu saç düzümlərinə görə cərimələnib.
Sportnet.az-ın məlumatına görə, hər iki futbolçu 1000 dirhəm (təqribən 219 avro) ziyana düşüb. Oyunçular saç düzümlərini dəyişməyəcəkləri təqdirdə "bunun sonrakı nəticələri" barədə xəbərdarlıq məktubu alıblar.
BƏƏ çempionatında müəyyən saç düzümləri ilə bağlı qadağalar mövcuddur. Xüsusilə, futbolçulara başın bir hissəsini tam qırxmaq qadağandır. Bunun islam dininin bəzi tələblərinə zidd olduğu bildirilir.
