"Sumqayıt" komandası Türkiyənin Antalya bölgəsində təlim-məşq toplanışına start verib.
Sportnet.az xəbər verir ki, səhər saatlarında Heydər Əliyev adına Beynəlxalq Hava Limanından qonşu ölkəyə yola düşən kollektiv Belek qəsəbəsindəki "IC Santai" otelində məskunlaşıb. Kollektiv ilk məşqinə bu axşam çıxacaq.
Qeyd edək ki, "Sumqayıt" Antalyada 4 yoxlama oyunu keçirəcək. Ayxan Abbasovun rəhbərlik etdiyi komanda yanvarın 15-də Qazaxıstanın "Jetısu", yanvarın 19-da Bosniya və Herseqovinanın "Çelik", yanvarın 22-də Makedoniyanın "Vardar", yanvarın 26-da isə Serbiyanın "Zemun" klubları ilə qarşılaşacaq.
