"Köln" klubu vaxtından əvvəl Almaniya Bundesliqasına vəsiqə qazanıb.
Sportnet.az-ın məlumatına görə, bu, XXXII tur matçında komandanın səfərdə "Qröyter Fürt" üzərində 4:0 hesablı qələbəsindən sonra baş verib. Bununla da əyalət klubu xallarını 62-yə çatdıraraq, sona 2 tur qalmış ən yaxın izləyicisi "Padeborn"u 8 xal geridə qoyub.
Beləliklə, "Köln" 2000-ci ildən bu yana artıq 6-cı dəfə Bundesliqaya vəsiqə qazanmış olub ki, bu da Avropanın aparıcı çempionatları arasında bir sinif yuxarı qalxmaq sayına görə rekorddur. Fransanın "Mets" klubunda bu say beşdir.
Qeyd edək ki, "Köln" komandası 1948-ci ildə təsis olunub.
