Futbol üzrə Azərbaycan Premyer Liqasında V turunda daha bir oyunu keçirilib.
Sportnet.az xəbər verir ki, turun ikinci matçında "Səbail" "Qəbələ"ni qəbul edib. "ASCO Arena"da təşkil olunan qarşılaşma 1:1 hesabı ilə yekunlaşıb. "Qəbələ"nin heyətində Rövlan Muradov 17-ci dəqiqədə baxımlı qolla hesabı açıb. Meydan sahibləri isə 68-ci dəqiqədə tarazlığı bərpa edə bilib. Mirabdulla Abbasov fərqlənib. Bu nəticədən sonra 4-cü xalını qazanan "Qəbələ" 7-ci yerdə qalıb. "Səbail" isə 10 xalla ikincidir.
Qeyd edək ki, günün digər matçında "Sumqayıt" evdə "Sabah"ı məğlub edib 1:0. Turun "Neftçi" - "Keşlə" matçı sentyabrın 22-də, "Zirə" - "Qarabağ" görüşü isə sentyabrın 23-də olacaq.
----------------------------------
Futbol üzrə Azərbaycan Premyer Liqasında V tura start verilib.
Sportnet.az xəbər verir ki, həftənin açılış matçında "Sumqayıt" "Sabah"ı qəbul edib. "Kapital Bank Arena"da baş tutan görüş meydan sahiblərinin qələbəsi ilə başa çatıb.
Oyundakı yeganə qolu 34-cü dəqiqədə Sərtan Taşkın vurub. Qarşılaşmanın 77-ci dəqiqəsində "Sumqayıt" azlıqda qalıb. Mehdi Şərifi ikinci sarı vərəqədən sonra meydandan qovulub.
Bu qələbədən sonra xalını 6-ya çatdıran "Sumqayıt" "Keşlə" ilə 4-5-ci pillələri bölüşür. "Sabah" isə 2 xalla sonuncu yerdədir.
Qeyd edək ki, günün digər oyununda "Səbail" "Qəbələ"ni qəbul edəcək. Tura sabah baş tutacaq "Neftçi" - "Keşlə" və "Zirə" - Qarabağ" matçları ilə yekun vurulacaq.
---------
Bu gün Azərbaycan Premyer Liqasında V tura start veriləcək.
Sportnet.az-ın məlumatına görə, ilk oyun günündə iki qarşılaşma baş tutacaq. Turun açılış matçı Sumqayıtda olacaq. Şəhərin eyniadlı komandası çempionatın autsayderi "Sabah"ı qəbul edəcək. "Gəcnclik şəhəri" təmsilçisi 3 xalla 6-cı, paytaxt klubu isə 2 xalla sonuncudur. Bu komandalar Premyer Liqada yalnız ötən mövsüm üz-üzə gəliblər. 4 oyunun 2-də "Sumqayıt", 1-də isə "Sabah" qələbə qazanıb. 1 qarşılaşmada qalib müəyyənləşməyib. Topların fərqində də meydan sahiblərinin aşkar üstünlüyü var - 6:3.
Günün ikinci görüşündə isə "Səbail" doğma meydanda "Qəbələ" ilə üz-üzə gələcək. Əyalət təmsilçisi 3 xalla 7-ci, paytaxt klubu isə 9 xalla 2-ci yerdədir. Komandalar çempionatda 8 dəfə qarşılaşıblar. 4 oyunda "Qəbələ", 2-də isə meydan sahibləri 3 xal qazanıb. 2 qarşılaşma heç-heçə yekunlaşıb. Topların fərqində də "Qəbələ" öndədir - 14:8. Rəqiblər arasında Premyer Liqanın son 7 oyununda meydan sahibi olan komanda uduzmayıb. “Qəbələ” həmçiinn son üç səfərdə qalib gələ bilməyib.
Qeyd edək ki, V turun "Neftçi" - "Keşlə" matçı senytabrın 22-də, "Zirə" - "Qarabağ" dueli isə sentyabrın 23-də olacaq.
Azərbaycan Premyer Liqası, V tur
21 sentyabr (şənbə)
17:30. “Sumqayıt” – “Sabah” 1:0
Qol: Sərtan Taşkın, 34
Qırmızı vərəqə: Mehdi Şərifi, 77 (ikinci sarı)
Hakimlər: Rəvan Həmzəzadə, Cəmil Quliyev, Vüqar Bayramov, Elçin Məsiyev
Hakim-inspektor: Munis Abdullayev
AFFA nümayəndəsi: Maşallah Əhmədov
“Kapital Bank Arena”
19:45. “Səbail” – “Qəbələ” - 1:1
Qollar: Mirabdulla Abbasov, 68 - Rövlan Muradov, 17
Hakimlər: Əliyar Ağayev, Akif Əmirəli, Zeynal Zeynalov, Kamal Umudlu
Hakim-inspektor: Ramil Diniyev
AFFA nümayəndəsi: Məmmədəli Məmmədov
“ASCO Arena”
