Keçmiş futbolçusu Raul Qonales İspaniyanın "Real Madrid" komandasına baş məşqçi təyin oluna bilər.
Sportnet.az-ın "Marca"ya istinadən məlumatına görə, sabiq hücumçu hazırkı baş məşqçi Zinəddin Zidanı əvəzləməyə əsas namizəd sayılır. Rəhbərliyin digər namizədləri də nəzərdən keçirdiyi, lakin Raulun favorit olduğu bildirilir. Daha əvvəl onun Almaniyanın "Ayntraxt" (Frankfurt) komandasına rəhbərlik etməsinin mümkünlüyü xəbəri yayılıb.
Qeyd edək ki, Raul Qonsales məşqçilik karyerasına 2018-ci ildə "Real Madrid"in yeniyetmələrdən ibarət komandasında başlayıb. İspaniyalı mütəxəssis 2019-ci ildən rəhbərlik etdiyi "Kastilyo"nu UEFA Gənclər Liqasında 2020-ci ilin qalibi edib. Zinəddin Zidan isə "Real Madrid"in baş məşqçi postuna 2019-cu ilin martında qayıdıb. Onun rəhbərliyi altında "kral klubu" ötən mövsüm İspaniya çempionu olub.
