Azərbaycan milli komandasının futbolçusu Ruslan Qurbanovun çıxış etdiyi Xorvatiyanın "Hayduk" klubu Avropa Liqasına vəsiqə qazanıb. Sportnet.az-ın məlumatına görə, Split şəhərini təmsil edən komanda XXXV turda Zaqreb "Lokomotiv"inin öz meydanında RNK "Split"ə 0:3 hesablı məğlubiyyətindən sonra bu hüquqa yiyələnib.
Bu nəticədən sonra "Hayduk"la "Lokomotiv" arasında top fərqi 4-ə çatıb. Sonuncu turda fərqin aradan qalxması qeyri-mümkün olduğundan, Qurbanovun komandası həm də çempionatı 49 xalla bürünc medalla başa vurub.
Qeyd edək ki, ölkə çempionu və kubokun sahibi adına Zaqreb "Dinamo"su layiq görülüb. Gümüş medal isə "Riyeka"ya qismət olub.
