Türkiyənin "Fənərbağça" klubunun futbolçularını daşıyan avtobus növbəti dəfə hücuma məruz qalıb. Sportnet.az-ın məlumatına görə, hadisə Super Liqanın XXXIII turunda "Fənər"in səfərdə "Başakşehir"lə 2:2 hesablı heç-heçə etdiyi oyundan sonra baş verib.
Samandırada Can Bartu bazasının yaxınlığında təxminən 200 "sarı-lacivərdli" azarkeş avtobusu daş və yumurta atəşinə tutublar. Bununla sakitləşməyən tərəfdarlar komanda avtobusuna məşəl də atıblar. Hadisə yerinə gələn polisin müdaxiləsindən sonra ara sakitləşib.
Qeyd edək ki, bir müddət əvvəl "Fənərbağça"nın futbolçularını aparan avtobus silahlı hücuma məruz qalıb. Hücum zamanı avtobusun sürücüsü xəsarət alıb.
