Daxili İşlər Nazirliyinin Mütəşəkkil Cinayətkarlığa Qarşı Mübarizə İdarəsinin ("Bandotdel”) əməkdaşları iş adamı, "Xəzər adaları" futzal klubunun prezidenti Hacı İbrahim Nehrəmlini yenə də saxlayıblar. Sportnet.az xəbər verir ki, bu barədə virtualaz.org saytına hüquq-mühafizə orqanlarındakı mənbələrdən məlumat verilib.
Nehrəmli oliqarx "Bandotel”in təcridxanasında saxlanılır. Hacı İbrahim on milyonlarla manat həcmindəki kredit borclarını ödəmək üçün tələb olunan vəsaiti tapa bilməyib. Böyük ehtimalla onun barəsində məhkəmə qərarı ilə həbs-qətimkan tədbiri seçiləcək.
Qeyd edək ki, Hacı İbrahim mayın 13-də saxlanılaraq "Bandotdel”ə aparılmışdı. Oliqarx oradan çıxandan sonra 78 milyon manat kredit borcunun olduğunu və mayın 19-dək bütün borclarını ödəmək öhdəliyi qəbul etdiyini bildirmişdi.
