Xorvatiyanın paytaxtı Zaqrebdə keçirilən gənclər arasında boks üzrə Avropa çempionatında qalmaqal baş verib. Sportnet.az-ın məlumatına görə, hadisə orta ağır çəkidə xorvatiyalı Vido Lonçarla litvalı Algirdas Baniulis arasındakı qarşılaşmadan sonra baş verib.
Rinq hakimi görüş zamanı Baniulisin çoxlu sayda zərbə endirdiyini qeydə alaraq, texniki nokautla qələbə qərarı verib. O, qalib boksçunun əlini qaldırmaq istərkən, Lonçarın hücumuna məruz qalıb. Yerli boksçu hakimi bir zərbə ilə yerə sərərək, yumruqlar endirməyə başlayıb. Zaldakılar onu rinqdən dartaraq, yerə səriblər. Hakim isə tibbi müdaxiləyə məruz qalıb.
Qeyd edək ki, Avropa çempionatında Azərbaycan boksçuları da mübarizə aparırlar.
