İspaniyanın "Real Madrid" klubunun futbolçusu Kriştianu Ronaldu ilə rusiyalı model İrina Şeykin boşanma səbəbi müəyyənləşib. Sportnet.az-ın "The Sun"a istinadən məlumatına görə, 5 il birgə olan cütlük Ronaldunun xəyanəti üzündən ayrılıb.
Şeyk deyib: "İndi mən həqiqəti bilirəm və özümü tam xəyanətə uğramış, aldadılmış kimi hiss edirəm. Mən bu insana inanır və onu idealım sayırdım. Hətta onun mənə sadiq olmadığı barədə şayiələr çıxdıqda yanında idim və inanırdım. Lakin bütün söz-söhbətlər doğru çıxdı".
Mənbə yazır ki, Şeyk Ronaldunun dünyanın hər yerindən olan qadınları ilə telefon yazışmalarını aşkarlayıb. Həmin yazışmalar portuqaliyalı ulduzun rusiyalı gözəli onlarla qadına dəyişdiyini sübut edir.
Qeyd edək ki, bir müddət öncə İrina Şeyk müsahibəsində kişi seçimində səhvə yol verdiyini açıqlayıb. O, həmçinin seçdiyi şəxsdə görmək istədiyi meyarları təsvir edib. Amma Şeykin özünü də paparatsilər yeni kişi ilə yaxalayıb.
