Futbol üzrə Rusiya çempionatının qalibi 28-ci turda müəyyənləşib. Sportnet.az-ın məlumatına görə, çempionatın sonuna 2 tur qalmış "Zenit" klubu səfərdə "Ufa" ilə 1:1 hesablı heç-heçə sayəsində qızıl medalları təmin edib.
Bununla da xallarını 64-ə çatdıran Sankt-Peterburq komandası ən yaxın izləyiciləri MOİK-lə "Krasnodar"ı 8 xal qabaqlayıb. Beləliklə, iki mövsümlük aradan sonra çempionluq sevinci yaşayan piterlilər tarixində 4-cü dəfə Rusiyanın ən güclüsü olub.
Qeyd edək ki, "Zenit"in heyətində əslən azərbaycanlı hücumçu Ramil Şeydayev də forma geyinir. 19 yaşlı futbolçu bu mövsüm 5 dəfə meydana çıxıb.
