"Sumqayıt"ın futbolçusu Aleksey İsayev zədələnib.
Sportnet.az xəbər verir ki, 23 yaşlı yarımmüdafiəçi Azərbaycan Premyer Liqasının IX turunda "Qəbələ" ilə matçın sonlarında xəsarət alıb. O, rəqibin futbolçusu Lalavele Atakora ilə mübarizədə yerə yıxılıb və onun əli futbolçunun ayaqları altında qalıb.
Onun yerinə meydana Murad Xaçayev daxil olub.
Qeyd edək ki, qarşılaşmada ikinci hissə oynanılır və hesab 2:2-dir.
