“Sabah” Futbol Klubu yeni sponsor müqaviləsi bağlayıb.
Sportnet.az xəbər verir ki, “Sədərək” Ticarət Mərkəzi bundan sonra klubun sponsorlarından olacaq.
Müqaviləyə əsasən, ticarət mərkəzinin reklamları rəsmi veb səhifədə, sosial media hesabları ilə yanaşı, komandanın ev oyunlarını keçirdiyi “Əlincə Arena”nın müxtəlif yerlərində də əks olunacaq.
Bundan əlavə, əməkdaşlıq çərçivəsində sağlam həyat tərzinin təbliği və ölkə futboluna marağın artırılması istiqamətində birgə layihələrin həyata keçirilməsi nəzərədə tutulub.
