“Bu gün oyuna daha yaxşı konsantrasiya olmuşduq. Çünki dünən keçirdiyimiz matçda çoxlu səhvlərə yol vermişdik. Analiz apararaq, səhvlərimizdən nəticə çıxarmağa çalışdıq".
Sportnet.az-ın məlumatına görə, bunu futzal üzrə Azərbaycan millisinin baş məşqçisi Joze Alesio Da Silva Bakı İdman Sarayında Özbəkistan yığmasına 4:3 hesabı ilə qalib gəldikləri yoldaşlıq görüşündən sonra deyib. Braziliyalı mütəxəssis bildirib ki, qarşılaşmadan əvvəl kollektivlə söhbətləşib və göstərdikləri oyunla daha yaxşı hazırlaşdıqlarını sübut ediblər.
O, yekun heyətlə bağlı qərarını yanvarın 23-də verəcəyini diqqətə çatdırıb: "Buradakı futzalçılardan 12-si bizimlə Xorvatiyaya yollanacaq. Daha 2 oyunçu Osiek şəhərinə gələcək. Bizi çətin oyunlar gözləyir. Komandanın qarşısına konkret məqsəd qoyulub. Hədəfə doğru irəliləməliyik”.
