Azərbaycan Tələbə Futbolu Federasiyasının (ATTF) yeni prezidenti müəyyənləşib. Sportnet.az-ın məlumatına görə, bu, təhsil nazirinin müavini Firudin Qurbanovdur.
O, yeni vəzifədə iki ay öncə işlərinin çoxluğu ilə əlaqədar istefa vermiş Fazil Qarayevi əvəzləyib. Qurbanov sabah saat 14:00-da AFFA-nın inzibati binasında keçiriləcək ATTF-nin hesabat seçki konfransından sonra ictimaiyyətə təqdim olunacaq.
Qeyd edək ki, Firudin Qurbanov həm də martın 6-dan AFFA İcraiyyə Komitəsinin üzvüdür. O, Elmar Qasımovu əvəzləyib.
